|
★☆★☆★
2007年5月香港電台四個節目．原帖由「翁美玲香港影迷會」提供
2009年05月
香港電台四個節目提及翁美玲，並播放她主演劇集主題曲，與聽眾一起懷念她。本站已擷錄有關阿翁部份，感謝
Chak 協助語議整理。
轉載請註明出處：「Miss
You Forever 翁美玲網站 ww.barbarayung.net
」
■《清晨爽利│香港電台第五台│主持：鍾偉明、錢佩卿、錢佩佩》
★ 點擊播放│下載音頻 →
2009.5.14
[清晨爽利]∼擷錄阿翁相關部份
---------------
以下多謝 Chak 訊息 -----------------
主持人錢佩卿在節目中播放鐘偉明的環節「大哥想當年」後，播放了射的主題歌︰鐵血丹心，之後錢佩卿說︰過去了的時間覺得很快，轉眼間原來翁美玲離開我們已廿四年這久，那時她演的俏黃蓉真是很可愛的，大大眼，幾靚女，有些像袁詠儀的樣子，應該說袁詠儀像她，因為袁詠儀是她的後輩...
以下為鐘偉明的環節「大哥想當年」主題內容︰翁美玲
今日係五月十四日。今日同你回憶一吓，1985年嘅今日，著名電視藝人翁美玲，喺廣播道寓所被發現身亡，終年二十六歲。翁美玲祖籍安徽，但係生於香港，佢喺1959年五月七日出世，佢係家中嘅獨生女。佢喺七歲嘅時候，失去父愛，自此養成非常獨立嘅性格。翁美玲喺小學同中學都喺玫瑰崗學校就讀，跟住就同媽媽移民英國，喺英國完成咗佢嘅大學課程。1982年，佢返到香港參加香港小姐選舉，只係成為十五位入圍者之一，並未獲得任何獎項，但係佢隨即被邀請加入無線電視，擔任節目「婦女新姿」主持人。1982年尾，佢首次粉墨登場，喺「十三妹」之中，飾演康熙皇妹香格格一角，之後喺1983年，佢主演「射鵰英雄傳」，演出黃蓉一角。據當時有份參與試鏡當評判嘅劉丹話，當時好多人參與試鏡，喺佢印象之中，有一個身型嬌小又精靈嘅女仔，劉丹畀佢最高分數，後來呢個女仔喺眾多對手之中脫穎而去，呢個就係翁美玲。因為翁美玲嬌俏嘅外型同投入嘅演出，演活咗聰明又刁蠻嘅黃蓉角色，令佢火速成為新一代嘅偶像。之後佢喺電視劇「夾心人」、「決戰玄武門」、「天師執位」、「挑戰」嘅演出，都備受讚賞。而據講，當佢拍「射鵰英雄傳」嘅時候，曾經畀另一個男演員用道具武器打傷眼部，當時血流如注，令到男演員非常焦慮不安，呢個時候，翁美玲無責備對方，反為出言安慰對方，而且重講咗一個笑話打圓場，翁美玲話：「唔駛驚呀，咁嘛幾好，你幫我開咗雙眼皮。」由此可見，翁美玲嘅性格優越嘅一面。正當翁美玲事業有成，佢喺感情上卻出現唔如意嘅時刻，佢同當時嘅男朋友湯鎮業，係拍「十三妹」嘅時候認識，雖然兩個人對手戲唔多，但係就火速成為情侶，因為翁美玲當紅，工作量日多，兩個人相聚嘅時間越來越少，加上後來有好多流言，令到翁美玲處於非常之不穩嘅精神狀態，結果喺二十四年前嘅今日，被發現喺廣播道嘅住所內中煤氣毒身亡。五月十九日，喺九龍世界殯儀館舉殯，當時湯鎮業神色黯然，將一朶玫瑰花，插喺翁美玲嘅髮鬢上面。而翁美玲嘅骨灰亦由佢媽媽帶返去英國劍橋大學城一個天主教墓地安葬。而據講，當年戚美珍同一班朋友，幫翁美玲喺尖沙咀一間佛堂設咗一個靈位，後來佛堂結束，靈位不知所踪，但係原來喺1985年，有影迷幫翁美玲喺湛山寺買咗一個靈位。屈指一算，翁美玲過世已經二十四年，如果佢當時諗到佢過身之後，會對身邊嘅家人同愛人嘅打擊，相信二十四年前嘅今日就唔會有呢件不幸事發生。
謝謝有"播音皇帝"之稱的鐘偉明大哥，在阿翁的二十四週年忌辰日以翁美玲為主題，在大氣電波中重溫阿翁的生平逸事﹗以上的內容，大哥應該是看到了"城市追擊"之"當年今週"吧﹗謝謝主持人錢佩卿小姐的慧眼識靚女，讚美阿翁﹗很喜歡錢錢的聲音，多年來也是如此溫婉甜美的﹗。
■《輕談淺唱不夜天│香港電台第一台│主持：張偉基》
★
點擊播放│下載音頻 →
2009.5.14[輕談淺唱不夜天]∼擷錄阿翁相關部份
一開始播放︰"誰可改變"，張偉基說︰因聽眾想聽這首歌,還提醒他今天是翁美玲的壽辰，說"天師執位"這套劇真的很刻骨銘心,翁美玲和苗僑偉一起主演的，不過如果說到翁美玲的成名作或者能使更多人記起翁美玲，一定是她俏黃蓉的扮相﹗跟著播放︰"世間始終你好"，射鵰英雄傳...其中一個年代的主題歌曲﹗羅文加上甄妮﹗
■《音樂情人│香港電台第一台│主持：鄭子誠│60分鐘音樂感性真體驗!》
★
點擊播放│下載音頻 →
2009.5.14[音樂情人]∼擷錄阿翁相關部份
2009.5.14這天香港影友VIVINA為所有翁迷點歌<天師執位~誰可改變>。
■《瘋Show快活人│香港電台第二台
》
主持：梁思浩,貴花田,曾志豪+嘉賓主持苑瓊丹,江美儀
★
點擊播放│下載音頻 →
2009.5.7[瘋Show快活人]∼擷錄阿翁相關部份
節目時間由10:00 am- 1:00pm 全長三小時，在第二段時間09:00-12:50
主持人讀出聽眾Fax.點唱"誰可改變''記念"翁美玲50歲生忌"。
|